Search

Ammónía og önnur slæm lykt

Enginn vill díla við ammóníu lykt í taubleyjunum sínum. Það á ekki að vera lykt af bleyjunum yfir höfuð! Hér kemur jafnvel móment þar sem þú efast um taubleyjunotkunina þína og langar að hætta. Við höfum öll verið þarna. En ekki örvænta kæra foreldri, taktu djúpt andann - þú ert með þetta. Fyrsta ráðið er að ná tökum á henni sem fyrst því ef hún er látin sitja of lengi þá getur verið erfitt að ná henni úr. Hér langar mig aftur að ítreka að taubleyjuferðalagið er öðruvísi fyrir hvert barn fyrir sig. Þú gerðir ekkert rangt. Þetta er partur af taubleyjuferðalaginu. Allir eru með öðruvísi aðferðir til þess að fyrirbyggja/vinna úr þessu alræmda vandamáli. Prófaðu þig áfram og finndu hvað virkar fyrir þínar bleyjur.


Hér eru nokkrir punktar sem gætu hjálpað þér og bleyjunum þínum: (Punktar teknir saman af "Þvottaráð fyrir Taubleyjur" á Facebook, Cloth Diapers eftir Bailey Bowman og almennri leit á veraldarvefnum).

Mér þykir mikilvægt að hafa ákveðna hugmynd á því afhverju lyktin kemur yfir höfuð. Ammóníulykt myndast þegar það er meiri úrgangur (waste) en vökvi (fluid) í pissinu. Flest börn fara í gegnum svona tímabil, sérstaklega þegar matarvenjur breytast. Það fyrsta sem gott er að gera er að passa að barnið drekkur vel af vökva í gegnum daginn og þá sérstaklega eftir að það byrjar að borða meira af fastri fæðu.


Næsta lykilatriðið er að passa að bleyjur sitja ekki of lengi. Því lengur sem blautar bleyjur bíða eftir þvott, því meiri líkur að ammónía myndist. Ef það dregst eitthvað að þrífa þær - reyndu þá að hafa þær í opnu ílátu eins og t.d bala.


En ég er með ammóníu í bleyjunum mínum- hvernig losna ég við það?


Það fyrsta sem þú getur gert er að prófa nokkur aukaskol eftir þvottahringinn þinn. Ef það er ekki nóg, þá getur verið tími til þess að strípa þær.


Að "strípa" þýðir að djúphreinsa. Gerðu þetta með allar bleyjur sem þú átt í einu því stundum er það bara ein bleyja sem heldur áfram að smita yfir í aðrar. Á mínu heimili eru bleyjur stríðaðar á tveggja mánaðar fresti en auðvitað er allur gangur á því .


1) Þrífðu allar bleyjur eins og þú myndir gera venjulega.

2) Settu þær hreinar í baðið og láttu renna eins og heitt úr krananum og þú getur.

3) Settu þvottaefni (um 250 ml) + Eina skúbbu (um 1dl) af Vanish Oxy. Einnig má setja 1dl af washing soda en þessu má sleppa. Láttu liggja í minnst 8 klst. Gott er að hræra allt til endrum og eins.

4) Skolaðu allt saman og settu aftur í þvott en nú án þvottaefnis á 60°.


Það eru síðan mjög misvísandi upplýsingar um hvort að þurfi að klóra bleyjurnar síðan. Persónulega geri ég það aldrei en ef þú kýst að gera það þá eru bleyjur látna liggja í 45 mínutur í köldu vatni með klór eða rodalon (smkv "Þvottaráð fyrir taubleiur). Síðan settar á skol og loks þvegnar aftur á 60°með þvottaefni.


Mundu að þú er öllu búin/nn til þess að takast á við hvaða lykt sem er. Spurðu spurninga, prófaðu þig áfram og farðu eftir innsæinu!


32 views0 comments

Recent Posts

See All
  • Facebook Basic Black
  • Pinterest Basic Black
  • Twitter Basic Black

Vörur er hægt að sækja í Austurbrún 4, 104 Reykjavík


 Cocobutts: s: 8477866

© 2020 by COCOBUTTS. Proudly created with Wix.com