Þvottaleiðbeiningar fyrir ull

Ullarþvottur

Ullarþvottur er ekki eins flókinn og maður heldur! 

Í  þessum stutta pistli ætlum við að fara yfir ullarþvott í nokkrum einföldum skrefum. 

Í grunninn þarf ekki að þvo ull svo oft. Nóg er að þvo hverja skel á 2-3 vikna fresti. En eftir hver bleyjuskipti þarf að leyfa skelinni að lofta í góðu loftflæði. Það er því hægt að nota 2-3 skeljar á viku til skiptis. Ef kúkur fer út fyrir á ullina er vel hægt að blettaþvo hana ef þetta er ekki mikið en annars er best að þvo skelina alla strax.

Athugið að Lanolin meðferð er nóg að framkvæma á 2-3 mánaða fresti eða eftir þörfum. Þó getur það tekið allt að 3 skipti að ná upp góðri vatnsheldni á skelina og því þarf að leggja nýjar skeljar í lanolin lög örar til að byrja með.

Hvað þarf ég ? 

• Ullarsápu (Við seljum þessa hér)
• Vatn
• Skál/Krukku

• Skeið*

Aðferð: 

1. Fyrst er best að skola ullina með volgu vatni. 
2. Blandið ullarsápu við volgt vatn í skál / bala og leggið ullina þar ofaní. Kreistið ullina varlega í vökvanum.
3. Leyfið ullinni að liggja í sápuleginum í 15-20 mínútur.
4. Takið ullina uppúr og skolið vel í volgu hreinu vatni. Kreistið varlega, ATH að aldrei skal nudda eða skrúbba ullina.
   
   
   

1. Takið ullina úr Lanolin löginum og skolið hana vel í volgu vatni, kreistið varlega.
2. Kreystið mesta vökvan úr ullinni með því að rúlla henni upp í handklæði og kreysta varlega. 
3. Leggið á handklæði eða hengið upp til þurrkunar. Aldrei skal þurrka ull á ofni, í þurrkara eða heitu þurrkherbergi.

*sleppið ef það er ekki kominn tími á lanolin meðferð

Hvernig á að útbúa Lanolin lög ? 

• Hitið vatn í katli/potti
• Setjið ½ -1 teskeið af lanolini í skál og leysið upp í ca bolla af heitu vatni
• Bætið við dropa af barnasjampói eða annarri lífrænni sápu. Hrærið. Vatnið á að verða fallega mjólkurhvítt
• Fyllið svo skálina af volgu vatni og leggið ullina þar ofaní. ATH að lögurinn á að vera volgur.

Nokkrir almennir punktar til að hafa í huga: 

• Alltaf er best að handþvo ull.
• Vatnið skal alltaf vera volgt og forðast skal að nota mismunandi hitastig af vatni, ullin gæti þæfst og hlaupið sé það gert. 
• Aldrei á að nudda eða skrúbba ull, bara kreista varlega.
• Aldrei á að vinda ull harkalega í höndum, best er að rúlla upp í handklæði og kreista þannig mesta vökvan úr varlega. 
• Eftir lanolin bað er eðlilegt að skelin sé svolítið klístruð, það lagast eftir 1-2 skipti á bossa.
• Þvoið ull í dökkum og ljósum litum í sitthvoru lagi.

Gangi ykkur vel !