Það er almennt sagt að ef að við hugsum vel um bleyjurnar okkar þá ættu þær að duga í gegnum 2-3 bleyjubörn 

En hvað þýðir að „hugsa vel um bleyjurnar?“ annað en að passa uppá þvottarútínu?

Hér eru nokkur ráð sem hjálpa okkur fullnýta endingartíma bleyjunnar og jafnvel lengur ef við erum heppin!

1. Hengdu þær upp í stað þess að setja þær í þurrkara

Það má þurrka bleyjur á lágum hita en hengdu þær samt upp ef þú hefur tök á því. Eins er með föt yfir höfuð, það er betra fyrir vöruna ef hún fer ekki of oft í þurrkara.

2. Notaðu þvottanet

Innlegg úr náttúrulegum efnum þrífast betur í þvottaneti sem verndar þau frá öðrum hlutum í vélinni. Að þvo bleyjur í þvottaneti lengir líftíma bleyjunnar til muna þar sem að pokinn getur komið í veg fyrir slit og að göt myndist á bleyjunni.
Verslaðu þvottanetið þitt hér

3. Settu þær út í sólina þegar þú getur

Sólin gerir kraftaverk fyrir bletti og er frábær náttúruleg leið til að gera þær hvítar

4. Ekki nota mýkingarefni eða þvottaefni með ensýmum

Mýkingarefni gera bleyjuna vatnshelda. Ensým eru efni sem eiga að „bústa“ frammistöðu þvottaefnisins en það getur verið of mikið fyrir taubleyjur.

5. Haltu djúphreinsun í lágmarki

Það er rosalegt álag á alla hluta bleyjunnar að fara í gegnum djúphreinsun. Við vitum þó að stundum sé nauðsynlegt að gera djúphreinsun en reyndu frekar að hafa þvottarútínuna í lagi og djúphreinsanir í lágmarki.

6. Ekki gleyma að loka riflásnum!

Ef þú gleymir að loka flipunum geta þeir krækst í annað í vélinni og rifið aðrar bleyjur

7. Þegar þú opnar smellur,  opnaðu þá smelluna sjálfa en ekki rífa í bleyjuna

Við höfum séð foreldra rífa bleyjur af barninu án þess að opna frá smellunum sjálfum.  Þetta getur myndað göt og jafnvel rifið smellurnar úr stað. Endilega bentu á þetta sérstaklega þegar barnið fer í pössun eða á leikskóla.

8. Skolaðu þær á hverjum degi til að koma í veg fyrir lykt og sýruuppsöfnun

Eins og við vitum geta sýrur verið sterkar í úrgangi. Reyndu þitt besta til að skola það mesta úr bleyjunum á hverjum degi áður þú geymir þær! Sýrur geta myndað bletti og jafnvel gert göt í gegnum innlegg og innri lög bleyjunnar.

9. Ekki geyma þær í vatni

Lengi hefur verið mýta að það sé í lagi að geyma bleyjur í íláti með vatni. En í raun er þetta ekki gott fyrir bleyjuna heldur getur þetta verið skaðlegt fyrir teygjur og skeljar til lengri tíma. Betra er að skola bleyjuna vel og geymaþær á þurrum stað með opnu loftflæði.

9. Notaðu lænera – sérstaklega ef þú þarft að nota krem með zinc.

Það er almennt vitað að Zinc gerir bleyjur vatnsheldar og getur farið illa með þær. En stundum er ekkert annað í stöðunni en að nota Zinc og í þeim tilfellum eru einnota lænerar snilld! Settu eitt blað af læner í bleyjuna og hentu honumsíðan eftir notkun. Þetta skapar vörn á milli bleyjunnar og kremsins. ATH að aldrei má sturta lænerum í klósettið, þeir fara í ruslatunnuna!

Verslaðu linerana þína hér