Fletta yfir í aðalefni
Frí heimsending fyrir pantanir yfir 25.000 │ Hægt að greiða með netgíró og Pei

Ammonía og önnur slæm lykt

Ammonía og önnur slæm lykt
Enginn vill slæma lykt í bleyjunum sínum. Þegar það gerist efast maður jafnvel taubleyjunotkunina og langar að hætta. Við höfum öll verið þarna.

Ekki örvænta kæra foreldri, dragðu djúpt andann
- þú ert með þetta!
 
Mig langar að ítreka að taubleyjulífið er öðruvísi fyrir hvert barn og foreldri. Þú gerðir ekki endilega eitthvað rangt. Lykt er partur af leiknum.
 
Allir eru með öðruvísi aðferðir til þess að fyrirbyggja/vinna úr þessu alræmda vandamáli. Prófaðu þig áfram og finndu hvað virkar fyrir þínar bleyjur.

Náðu tökum á henni sem fyrst því ef hún er látin sitja of lengi þá getur verið erfiðara að ná henni úr. . .
 
Hér eru nokkrir punktar sem gætu hjálpað þér og bleyjunum þínum: (Punktar teknir saman af "Þvottaráð fyrir Taubleyjur" á Facebook, Cloth Diapers eftir Bailey Bowman og almennri leit á veraldarvefnum).
 
En fyrst....  Afhverju kemur ammóníu lykt?
 
Mér þykir mikilvægt að hafa ákveðna hugmynd afhverju lyktin kemur yfir höfuð. Ammóníulykt myndast þegar það er meiri úrgangur (waste) en vökvi (fluid) í pissinu. Flest börn fara í gegnum svona tímabil, sérstaklega þegar matarvenjur breytast. Passaðu að barn fær nóg af vökva yfir daginn. Sérstaklega eftir að það byrjar að borða meira af fastri fæðu.
 
Næsta lykilatriðið er að passa að bleyjur eru ekki geymdar of lengi. Því lengur sem blautar bleyjur bíða eftir þvotti, því meiri líkur að ammónía myndist. Ef það dregst að þrífa þær - reyndu þá að hafa þær í opnu íláti eins og t.d bala. Það þarf að lofta.
 
En ég er með ammóníu í bleyjunum mínum- hvernig losna ég við hana?
 
Prófaðu nokkur aukaskol eftir þvottahringinn þinn. Ef það er ekki nóg, þá getur verið tími á djúphreinsun.
 
Gerðu þetta með allar bleyjur sem þú átt í einu því stundum er það bara ein bleyja sem heldur áfram að smita yfir í aðrar.
 
1) Þrífðu allar bleyjur eins og þú myndir gera venjulega.
2) Settu þær hreinar í baðið og láttu renna eins og heitt úr krananum og þú getur.
3) Settu þvottaefni (um 250 ml) + Eina skúbbu (um 1dl) af Vanish Oxy. Einnig má setja 1dl af washing soda en þessu má sleppa. Láttu liggja í minnst 8 klst. Gott er að hræra allt til endrum og eins.
4) Skolaðu allt saman og settu aftur í þvott en nú án þvottaefnis á 60°.
 
Þú ræður hvort þú viljir setja bleyjurnar í klórbað líka. Það er ekki skylda. Ef þú kýst að gera það þá eru bleyjur látna liggja í 45 mínutur í köldu vatni með klór eða rodalon (smkv "Þvottaráð fyrir taubleiur). Þær eru síðan settar á skol og loks þvegnar aftur á 60°með þvottaefni.
 
Mundu að þú er öllu búin/nn til þess að takast á við hvaða lykt sem er.

Spurðu spurninga, prófaðu þig áfram og hlustaðu á innsæið. 

Halda áfram að lesa

Tau fyrir umhverfið

Tau fyrir umhverfið

Mismunandi innlegg í taubleyjur

Mismunandi innlegg í taubleyjur

Að kaupa notaðar bleyjur

Að kaupa notaðar bleyjur

Athugasemdir

Vertu fyrstur til að skilja eftir ummæli

Karfan þín

Karfan þín er tóm eins og er.
Smelltu hér til að halda áfram að versla.